My Cart

Close

Kantelpunt Hipomnemata van ’n konvensionele, middeljarige, wit, Afrikaanse vrou deur Sophia Kapp

R 306.00 R 340.00

FREE DELIVERY FOR ORDERS OVER R700.00.

Publikasiedatum: 10/18

 ʼn Feministiese roman vir konvensionele vroue 

Kantelpunt is die boekstawing van Nellie van der Merwe (gebore Petronella Jacoba van Aarde) se wederopstanding. 

Nellie is pas 50, ʼn konvensionele, wit, Afrikaanse vrou wat haar lewe lank gedoen het wat almal van haar verwag – sy het stilgebly. Met haar stilte het sy haar plek gekoop in haar huwelik, haar gesin, haar familie, haar werk, in die kerk, in die land, in die samelewing. 

Maar dan ondergaan sy ʼn histerektomie, en haar wêreld kantel. Sy is losgesny van die ding wat van haar ʼn vrou gemaak het, en daarmee saam raak sy bevry van die stilte. Sy begin haar stem terugeis, soms met verreikende gevolge, soms teen ʼn ontsettende prys. Sy word gedwing om alles wat sy tot dusver as gegewe aanvaar het te ondersoek, en in die proses moet sy nie net die mense naaste aan haar se aandeel in haar stryd erken nie, maar ook haar eie aandadigheid aan haar lot bepaal. 

Met elke insident, elke veldslag en elke gesprek tree sy verder weg van die geskiedenis en die konvensies wat haar stom gehou het, en kom sy nader aan die vrou wat sy van die begin af veronderstel was om te wees – die een met wie sý in vrede kan saamleef. 

“Daar bestaan by my geen twyfel dat Kantelpunt nog meer suksesvol as Oorlewingsgids vir n bedonnerde diva sal wees nie. Dis die soort verhaal wat elke Afrikaanssprekende behoort te lees – vroue en mans.” – Chanette Paul 

Waar pas die boek in? 

Kantelpunt is die skrywer se 11e boek. Dit sluit tematies aan by Oorlewingsgids vir ’n bedonnerde diva in dié sin dat dit protesfiksie is, maar dis nie ’n tweeluik nie. 

Haar lys van boeke: Die erflating, n Nuwe lente, Waar die hart is, Die tuiskoms, Die ooreenkoms, Die verhuising, Driehoek, Huis van die wind, Oorlewingsgids vir n bedonnerde diva en Moeilikheid met n meermin. 

Standard delivery terms apply.

Out of stock items can be ordered. Contact robyn@uppercasebooks.co.za to place your order.

Hello You!

Join our mailing list