My Cart

Close

Patagonië deur Maya Fowler

Write a review

R 230.00

FREE DELIVERY FOR ORDERS OVER R350.00 IN SOUTH AFRICA. DELIVERY WITHIN TWO WEEKS VISIT TERMS FOR MORE INFO!

Publikasiedatum: 04/18

Die middeljarige doktor Tertius Pelser is ʼn gefrustreerde Geskiedenisdosent aan die Universiteit van Stellenbosch. Sy vervelige lewe verander handomkeer wanneer hy op ’n aand homself oorgee aan drank en by ’n jong student, Carina, slaap. ’n Paar dae later is daar foto’s van Tertius en Carina se sekseskapades op sosiale media. In ʼn poging om sy sukkelende loopbaan en huwelik te red, gaan konfronteer Tertius vir Carina by haar studentehuis. ʼn Struweling ontstaan en Carina val vanaf die oopplan-dakvertrek na die sitkamer op die grondvloer. 
 
Tertius besluit om dadelik landuit te vlug. Sonder om enigiets aan sy vrou te verklap, bevind Tertius hom binne enkele ure op ʼn vliegtuig na Patagonië in Argentinië – op pad om die familielede wat hy daar het, en nog nooit ontmoet het nie, te gaan opspoor. Uiteindelik vind hy sy agterkleinneef, Alejo, en besluit Tertius om hier op sy plaas weg te kruip. Sy vrou, Alta, besluit dat hy nie so maklik gaan wegkom nie, en volg hom na Argentinië.
 
Onbewustelik herhaal Tertius sy voorvaders se geskiedenis. Basjan Greyling is Tertius se oupagrootjie wat ná die Anglo-Boereoorlog een van die Boere was wat die Argentynse regering se aanbod aanvaar het om weg te kom van die Britte en in Argentinië te gaan boer. Hier neem hy die valse identiteit van Jans Pelser aan, en besluit hy om as vry man weg te breek en op sy eie die vreemde landskap in te vaar.
Standard delivery terms apply.
Out of stock items can be ordered. Contact robyn@uppercasebooks.co.za to place your order.
 

Hello You!

Join our mailing list